23 октября 2010 г.
«Алга» ял хуçалăх производство кооперативĕнче паянхи куна хирти ĕçсем вĕçленнĕ. Хуçалăх ĕçченĕсем юлашкинчен 2 гектар кишĕре, 15 гектар çинчи сахăр кăшманне кăларса пуçтарса кĕртрĕç. Сахăр кăшманне пĕтĕмпех Буинскри сахăр заводне ăсатнă. Çак ĕçре Ильдар Шамдинов механизатор, Вагизе Газаева, Дания Пахалова уйрăмах хастар тăрăшрĕç.
Выльăх-чĕрлĕх отраслĕ те аванах аталанать. Сăвакан ĕнесен шучĕ 70 пуç. Паянхи кун кашни ĕнерен вăтамран 11,5 килограмм сĕт суса илетпĕр. Сăвăма ÿстерме выльăхсене кĕрхи калча çине кăларни, рациона пуянлатни май пачĕ. Сефиде Батрутдиновăпа Валентина Садрукова дояркăсем ĕç тухăçлăхне, сăвăма ÿстерес тесе ырми-канми тăрăшаççĕ.
Источник: "Каçал Ен"