20 октября 2010 г.
Октябрĕн 15-мĕшĕнче районти ветерансен отчетпа суйлав конференцийĕ пулнă. Ун ĕçне район пуçлăхĕ Г.Ф.Волков, федераллă статистика службин Чăваш Республикинчи управлени ертÿçин заместителĕ П.С.Краснов, район больницин тĕп врачĕ Ф.Ф.Асейнов, 41 №лĕ аптека директорĕ Л.В.Васильева, социаллă хÿтлĕх пайĕн начальникĕ И.А.Никитина хутшăннă. Райсовет председателĕ Ю.С.Тимофеев иртнĕ çулсенчи ĕç-хĕл çинчен доклад туса панă. Ăна сÿтсе явса район пуçлăхĕ Г.Ф.Волков, В.И.Пундяков, Г.А.Титов, Г.К.Гадельянов, А.Б.Мустафина тухса калаçнă. Конференцие хутшăннисем организацин ĕçне вăтам хак панă, унăн ертÿçи пулма Ю.С.Тимофеевах шаннă. Ăна заместителĕсем П.А.Баринов, В.И.Пундяков, В.Т.Яковлева секретарь пулăшса пырĕç. Çавăн пекех ветерансен советне, президиумне суйласа хăварнă. Республикăри VI конференцие хутшăнма Е.И.Карпеева, Ю.С.Тимофеева сĕннĕ.
Источник: "Каçал Ен"