13 октября 2010 г.
Октябрĕн 8-мĕшĕнче чăваш чĕлхипе литература учителĕсен республикăри конкурсĕ иртнĕ. Вĕрентекенсем чăваш литература классикĕ К.В.Иванов 120 çул тултарнă ятпа «Нарспи» поэмăна пăхмасăр калассипе тупăшнă. Унта пирĕн районти Анфиса Ильинична Ласточкина çĕнтернĕ. Вăл — педагогика ĕçĕн ветеранĕ, Хырай Ĕнел вăтам шкулĕнче чăваш чĕлхипе литературине вĕрентнĕ.
Вулакансене çакна аса илтерер: 2006 çулта та, «Хыпар» хаçатăн 100 çулхи юбилейĕнче, çакнашкал конкурс пулнăччĕ. Ун чухне те Анфиса Ильинична «Нарспи» поэмăна пĕр такăнмасăр вуласа çамрăксенчен ирттернĕччĕ. Ветерана малашне те çирĕп сывлăхпа пурăнма вăрăм кун-çул сунатпăр.
Источник: "Каçал Ен"