13 октября 2010 г.
Октябрĕн 10-мĕшĕнче район депутачĕсен Пухăвĕн, ял поселенийĕсен Пухăвĕсен депутачĕсене, ял поселенийĕсен пуçлăхĕсене суйларăмăр.
Хĕрÿ кĕрешÿ уйрăмах ял тăрăхĕн пуçлăхне суйланас текенсем хушшинче пычĕ.
Çак кун районĕпе пурĕ 10845 çын урна умне тăчĕ. Ку вăл суйлавçăсен 48,8 проценчĕ. Комсомольскисен кăтартăвĕ республикăри вăтам кăтартуран пысăкрах.
Суйлавçăсен хушшинче çакăн пек мероприятие пĕрремĕш хутшăннă çынсем те чылай. Вĕсенчен пĕри — Александровка ялĕнче пурăнакан С.Г.Чернова. «Ялта пурăнакан çынсен лайăх пурнăçĕшĕн ĕçлекен кандидатсемшĕн сасăлатăп»,— терĕ Светлана, бюллетеньсене урнăна ярса.
Источник: "Каçал Ен"