09 октября 2010 г.
Кашни предприяти-организацирех, учрежденирех чылай çул ĕçлесе тивĕçлĕ канăва кайнисем пур. Вĕсене дирекципе председательсем манса каймаççĕ. Çулсеренех Ваттисен кунĕнче, октябрь уйăхĕнче пуçтарса пĕрле калаçса ларма, иртнине аса илме май туса параççĕ. Ку енĕпе унччен йăла пулăшăвĕ паракан комбинат пулнă, халĕ «Уют» предприяти, ветерансем çине пысăк тимлĕх уйăрать. Кунта чылай çул ĕçленĕ специалистсене çулсернех уява пуçтараççĕ. Кашниех вăл вăхăтри пурнăçа, ырă ĕçсене аса илчĕç. Ваттисене парткомра нумай çул тăрăшнă В.И.Ласточкина саламласа вăрăм ĕмĕр сунчĕ.
А.Н.Чаркина профком сăмахĕсем, вăл ăшшăн пуплени те ветерансен кăмăлне кайрĕ, ăшă туйăм çуратрĕ. Уйрăлас умĕн «Уют» предприяти хаклă парнесемпе чысларĕ.
Хăйсене манăçа кăларманни пенсионерсене чунтан савăнтарчĕ.
Источник: "Каçал Ен"