09 октября 2010 г.
Октябрĕн 5-мĕшĕнче Комсомольски 2-мĕш вăтам шкулĕнче Ваттисен тата Вĕрентекен кунĕсене паллă турĕç. Шкул директорĕ Г.Е.Длинов пухăннисене саламласа сăмах тухса каларĕ. «Аслă ăру çыннисене хисеплетпĕр эпир. Вĕсем пирĕншĕн яланах ырă тĕслĕх вырăнĕнче»,— терĕ Геннадий Егорович, ырлăх-сывлăх сунса.
Каярахпа вара уява килнисене кучченеçсемпе сăйларĕç. Çавра сĕтел тавра ларса нумайччен калаçрăмăр, çамрăк чухнехи вăхăтсене аса илтĕмĕр.
Ватă çынна савăнтарма нумай та кирлĕ мар çав. Килсене эпир пурте тулли кăмăлпа таврăнтăмăр.
Источник: "Каçал Ен"