06 октября 2010 г.
Иртнĕ кунсенче районти ветерансем хушшинче шахмат турнирĕ пулчĕ. Вăл «Дети войны» ятпа иртрĕ. Унта Тăван çĕр-шывăн Аслă вăрçи пуçланас умĕн тата вăл пынă вăхăтра кун çутине килнĕ çынсем хутшăнчĕç. Вĕсем тĕрлĕ производствăра нумай çул ĕçлесе тивĕçлĕ канăва тухнă.
Хĕрÿ ăмăртура чи пултарулли В.И.Пундяков пулчĕ, пĕрремĕш вырăн йышăнчĕ. Ф.Б.Мамуткинпа В.М.Константинов иккĕмĕшпе виççĕмĕш вырăнсене тухрĕç. Çĕнтерÿçĕсем хаклă парнесене тивĕçрĕç.
Турнир вăййисене ирттерме «Промкерамика» директорĕ В.Г.Васильев спонсорла пулăшу панă.
Паянхи çамрăксен спорт ветеранĕсенчен тĕслĕх илмелле. Вĕсем пек, спорта, физкультурăна юратмалла, сывă пурнăç йĕркине тытса пымалла.
Источник: "Каçал Ен"