Публикации » Паспорта вăхăтра улăштарар

06 октября 2010 г.

Раççейри федераллă миграци служби патшалăх енчен паракан пулăшусене лайăхлатас енĕпе тĕллевлĕ тăрăшать. Вĕсенчен пĕри — электронлă майпа ĕçлесси. Гражданинăн патшалăх тата муниципаллă пулăшăвăн пĕрлехи порталĕнче регистрациленмелле çеç. Тепĕр чухне çынсем паспорта вăхăтра улăштарманнине е пурăнакан вырăнта вăхăтлăх регистрацилеменнине пула административлă явап тытаççĕ. Электронлă майпа усă курнипе персоналлă компьютер умĕнчен тухмасăрах пысăк штрафсенчен хăтăлма пулать. Заявление саккунпа пăхнă вăхăтран 30 кун таранччен памалла. Паспорт улăштарас тесен хăвăр пурăнакан вырăнта е килсе çитнĕ вырăнти миграци службине пымалла. Çакна та шута илмелле: РФ саккунĕпе килĕшÿллĕн паспорта ялан хăвăр пурăнакан вырăнта 10 кун хушшинче, килсе вырнаçнă тĕлте 2 уйăхран кая юлмасăр туса параççĕ.

Паспорт — çыннăн тĕп докуменчĕ. Ăна саккун ыйтнă вăхăтра улăштармалла.

Источник: "Каçал Ен"