02 октября 2010 г.
Районти ял хуçалăх предприятийĕсен хирĕсем пушансах пыраççĕ. Çĕр улми уйĕсенче ĕç вĕçленнĕпе пĕрех. Юлашки гектарсем çинчен «иккĕмĕш çăкăра» пуçтараççĕ. Тухăç, паллах, çанталăк условийĕсене кура çырлахтармасть пулин те, хуçалăх ертÿçисемпе специалистсем малалли пирки ĕмĕтленеççĕ. Ял хуçалăх предприятийĕсем 17790 гектар кĕрхи çĕртме тума планланă. Халиччен çак ĕçе 15806 гектар çинче пурнăçланă. Ку енĕпе малалла тăрăшаççĕ. Районти хуçалăхсем 15 пин гектар ытла çĕр çине кĕр тыррисем акса хăварнă.
Çĕнтерÿпе таврăннă
Сентябрĕн 25-мĕшĕнче Шупашкарта Чăваш Республикинчи профсоюз совечĕ»Х Спартакиада ирттернĕ . Унта пирĕн район çынни, Хирти Явăшра пурăнакан А.Г.Давыдов та хутшăннă. 55—59 çулхисем хушшинче 1 километра Анатолий Клементьевич 3 минут та 8 çеккунтра чупса тухса виççĕмĕш вырăн йышăннă, Хисеп грамотипе парнене тивĕçнĕ.
Вăл çамрăкранпах спортпа туслă. Çемйи те сывă пурнăç йĕркине тытса пырать. Вĕсем пĕр хутчен çеç мар район, республика шайĕнчи ăмăртусене хутшăннă, çитĕнÿсем тунă.
Источник: "Каçал Ен"