22 сентября 2010 г.
Паянхи куна Чăваш Енĕн 7 пин ытла çынни Пенсин патшалăх софинасированийĕн программине хутшăнма кăмăл тунă. Пирĕн район çыннисем те ку программăпа усă курнă.
Иртнĕ кунсенче район администрацийĕн ларусен залĕнче РФ Пенси фончĕн управленийĕн пай начальникĕ И.А.Гришина районти профсоюз лидерĕсемпе шăпах çак программа пирки калаçу хускатрĕ те ĕнтĕ. Унта С.А.Петрова («Çĕрпÿелĕнчи кирпĕч завочĕ» АХО), Н.И. Алякин (Минатуллинăн хресчен-фермер хуçалăхĕ), Н.С.Морозов («Сельхозтехника» ОАО) тата ыттисем те хутшăнчĕç.
«Иртнĕ çул асăннă программăна пирĕн районтан 97 çын (2008 çулта – 374 çын) усă курнă. Кăçал çавăн пек кăмăллисем 32-ĕн кăна. Граждансен 2009 çулхи взносĕсем тата патшалăх, ĕçпе тивĕçтерекенсем вĕсемшĕн тÿлени Пенси фончĕ харпăр хăйĕн лицевой счечĕ пирки янă çырусенче палăрать»,— пĕлтерчĕ Ирина Анатольевна.
Патшалăх софинансированийĕн программине кашниех хутшăнма пултарать. Унпа килĕшÿллĕн укçана уйăхсерен е пĕр харăс предприятин бухгалтерийĕ е кирек хăш банк урлă та куçарма юрать. Пĕрремĕш взноса хывнă вăхăтран тытăнса патшалăх 10 çул иртиччен финанспа пулăшать.
Пенси фончĕн ĕçченне пухăннисем ыйтусем пачĕç, тулли хуравсем илчĕç.
Источник: "Каçал Ен"