Публикации » Асăрханулăх пирки ан манăр

22 сентября 2010 г.

Кил-çуртра вут-çулăм тухни хăрушă. Тепĕр чухне «хĕрлĕ автан» ачасем шăрпăк чĕртнипе те пулкалать. Ытти çулсенче ун пек инкек-синкек сиксе тухкаланă. Сăлтавĕсем тĕрлĕрен. Пĕлтĕр ачасен айăпĕпе тухнă пушарсем çинчен çеç аса илтересшĕн. Ашшĕ-амăшĕ, çывăх çыннисем пĕчĕккисен алне лекмелле çĕрте шăрпăк пăрахса хăварнă. Çавна пулах пĕлтĕр Аслă Çĕрпÿел тата Урмаел ялĕсенче пушар пулчĕ. Кăçалхи сентябрь — октябрь уйăхĕсенче Пушар хăрушсăрлăхĕн уйăхлăхĕ иртет. Çак вăхăтра ачасемпе шкулсенче, обществăлла организацисенче те вут-кăвар сиенлĕхĕ пирки ытларах калаçасчĕ. «Инкек куçа курăнса килмест» текен каларăша çĕр-пин хут калатпăр пулин те тепĕр чухне тимсĕрлĕхе çухататпăр. Асăрхануллă пулăр!

Источник: "Каçал Ен"