15 сентября 2010 г.
Сентябрь уйăхĕнче РФ Пенси фончĕн республикăри уйрăмĕн ĕçченĕсем халăхпа тĕл пулусем ирттерме çула тухĕç. Авточупу сентябрĕн 8-мĕшĕнче Сĕнтĕрвăрри районĕнчен пуçланчĕ. Пенси фончĕн специалисчĕсем сентябрĕн 10-мĕшĕнче Çĕмĕрле, 12-мĕшĕнче Улатăр, 15-мĕшĕнче Куславкка, 22-мĕшĕнче Муркаш, 24-мĕшĕнче Етĕрне районĕсенче, 18-мĕшĕнче Çĕнĕ Шупашкар, 30-мĕ-шĕнче тата октябрĕн 1-мĕшĕнче Шупашкар хулисенче пенсионерсемпе курса калаçĕç. Пирĕн района куçса çÿрекен клиентсен служби сентябрĕн 16-мĕшĕнче килсе çитĕ. Çак кун 10 сехетре Асанкасси тата 14 сехетре Хырхĕрри ял поселенийĕсенче пурăнакан çынсен консультаци илме май пулĕ.
Клиентсен службин ĕçченĕсем районсем тăрăх икĕ микроавтобуспа çÿреççĕ. Вĕсенче Интернета тухма компьютер техники вырнаçтарса лартнă. Ку вара Раççей Федерацийĕнчи Пенси фончĕн базине кĕрсе кирек мĕнле заявлени те йышăнма май парать.
Чăваш Республикинче кли-ентсен куçса çÿрекен службине 2009 çулта йĕркеленĕ. Çак тапхăрта 1217 хутчен çул çÿреве тухса 11 пин çынпа курса калаçса пулăшу панă. Пирĕн районта вара ял поселенийĕсене 9 хутчен çитсе 255 çыннăн ыйтăвĕсене йышăннă.
Источник: "Каçал Ен"