Публикации » Спартакиадăна пĕтĕмлетнĕ

08 сентября 2010 г.

Иртнĕ кунсенче вĕрентÿ тытăмĕнчи профсоюз членĕсен спартакиадин кăтартăвĕсене пĕтĕмлетнĕ. 22 шкултан 20-шĕ спорт мероприятийĕсене хастар хутшăннă. Профсоюз членĕсем 2009—2010 вĕренÿ çулĕнче 5 тĕрлĕ спорт енĕпе тупăшнă. Сĕтел çи теннисĕ, шашка, волейбол вăййисенче, пăшалтан тĕл перессипе, йĕлтĕрпе чупассипе хăйсен пултарулăхне кăтартнă. Çак ăмăртусенче районти вĕрентÿ пайĕ (профком председателĕ — С.Х.Самарина) пĕрремĕш, Нĕркеç вăтам шкулĕ (профком председателĕ — Г.П.Краснова) иккĕмĕш, Комсомольски 1-мĕш вăтам шкулĕ (профком председателĕ Е.С.Свинина) виççĕмĕш вырăнсене йышăннă. Вĕсене кубоксем тата хаклă парнесем парса чысланă.

Источник: "Каçал Ен"