08 сентября 2010 г.
Районти пултарулăх коллективĕсене «халăх» ят парасси çинчен ЧР культура министрĕ приказ кăларнă. Унпа килĕшÿллĕн, халĕ пирĕн халăх театрĕ, халăх эстрадăпа музыка студийĕ, Халăх вокал ансамблĕ, «Каçал» халăх фольклор ансамблĕ пур. Çаксем пурте Комсомольскинче. Çавăн пекех Урмаелĕнчи социаллă культура центрĕнчи «Мишар» юрăпа ташă ансамблĕ, Комсомольскинчи ача-пăча искусство шкулĕн эстрада студийĕ, Çĕнĕ Мăратри «Шурăмпуç» фольклор ансамблĕ те «халăх коллективĕ» ята тивĕçнĕ. Вĕсем çак ятсене пултарулăхшăн, тăтăшах халăх хушшинче пулнăшăн, репертуара çĕнетсех пынăшăн тивĕçнĕ.
Источник: "Каçал Ен"