08 сентября 2010 г.
Çанталăк кĕр енне сулăнчĕ, сулхăнлатрĕ. Районти ял хуçалăх предприятийĕсенче уй-хир ĕçĕсем малалла пыраççĕ.
Сентябрĕн 7-мĕшĕ тĕлне чылай хуçалăх «иккĕмĕш çăкăр» уйне тухнă. «Слава» ЯХПК тата «Комсомольские овощи» ООО çĕр улми кăларса пĕтернĕ. Районĕпе тĕрлĕ çĕрте тĕрлĕ тухăç, вăтамран кашни гектартан 40—80 центнер тухать.
Çĕртме тăвассине чылай хуçалăх вĕçлесе пырать. Хальлĕхе çак ĕçе 11870 гектар çинче пурнăçланă. Ку енĕпе эпир республикăра елчĕксем хыççăн ăнăçлă ĕçлекен хуçалăхсем.
Кĕр тыррисем акасси малалла пырать. Ăна кăçал 4000 гектартан кая мар акса хăвармалла. Вăл ĕçе пур хуçалăх та тытăннă. Хальлĕхе çак ĕçе 9009 гектар çинче вăрлăх хывса хăварнă. «Труд», «Дружба» ЯХПКсем, «Слава картофелю» агрофирма 300-шер, «Восток» ЯХПК тата «Нива» агрофирма ООО 200-шер гектар акнă.
Источник: "Каçал Ен"