04 сентября 2010 г.
Комсомольскинчи Территориллĕ суйлав комиссийĕ юлашки кандидатсене сентябрĕн 2-мĕшĕнче регистрациленĕ. Район депутачĕсен Пухăвĕн е ял поселенийĕсен депутачĕсен, пуçлăхĕсен кандидачĕсем хушшинче политика партийĕсем сĕннĕ çынсем те, хăйсем тĕллĕн кандидатура тăратнисем те пур. Акă, Россия Федерацийĕн коммунистсен партийĕ Çĕнĕ Мăрат ялĕнче пурăнакан ВЛАДИМИР НИКОЛАЕВИЧ ЖЕСТЯНКИНА Тукай ял поселенийĕн пуçлăхĕ, Хирти Явăшри АНАТОЛИЙ ЯКОВЛЕВИЧ МАТВЕЕВА район депутачĕсен Пухăвĕн депутачĕ пулма кандидата сĕннĕ. Йÿç Шăхаль ялĕнче пурăнакан АЛЕКСАНДР НИКОЛАЕВИЧ МАШТАНОВ хăйĕн кандидатурине Шурут ял поселенийĕн пуçлăхĕ пулма тăратнă. Вĕсене ТИК августăн 23-мĕшĕнче регистрациленĕ.
Аслă Чурачăк ялĕнче пурăнакан, «Труд» ЯХПКра тĕп агрономра ĕçлекен ГЕННАДИЙ ВАСИЛЬЕВИЧ КУЗЬМИН хăйĕн кандидатурине Чĕчкен ял поселенийĕн пуçлăхĕ пулма тăратнă.
Урмаел вăтам шкулĕн учителĕ НЕЖЕМЕТДИН САДРТДИНОВИЧ САХРОВ Урмаел ял поселенийĕн пуçлăхĕ пулма кăмăл тунă.
Юнтапа ялĕнче пурăнакан, вăхăтлăха ĕçсĕр ВЯЧЕСЛАВ ВСЕВОЛОДОВИЧ СКВОРЦОВ хăйĕн кандидатурине Шурут ял поселенийĕн пуçлăхĕ пулма тăратнă.
Комсомольски ял поселенийĕн пуçлăхĕ пулас кăмăлĕ пуррине АЛЕКСАНДР КИРИЛЛОВИЧ БАТЮКОВ пĕлтернĕ. Вăл Кĕçĕн Каçал ялĕнче пурăнать, вăхăтлăха ĕçсĕр.
Районта 12 ял поселенийĕ. Пуçлăх пулма Тукай тăрăхĕнче чи нумай кандидат регистрациленĕ — 6. Комсомольски тата Шурут ял поселенийĕсенче тăватшар, Александровкăпа Хырхĕрринче вара виçшер кандидат суйлавра тупăшăва тухĕç. Ыттисенче пуринче те — икшер кандидат.
Район депутачĕсен Пухăвĕн депутачĕ пулма тата çак кандидатсене регистрациленĕ:
ТАТЬЯНА ИППОЛИТОВНА ГОГОЛЕВĂНА (2-мĕш суйлав округĕ), АЛЕКСАНДР НИКОЛАЕВИЧ ЗАЙЦЕВА ( 4-мĕш суйлав округĕ), НИКОЛАЙ ПАВЛОВИЧ ЯКОВЛЕВА (7-мĕш суйлав округĕ), НАИЛЯ МИРЗИЯНОВНА МИННЕТУЛЛИНĂНА (10-мĕш суйлав округĕ), ФИРГАТЬ ГАЛИЕСКЕРОВИЧ ХАЙРТДИНОВА (13-мĕш суйлав округĕ), АЛЕКСАНДР АНДРЕЕВИЧ КОНДРАТЬЕВА (15-мĕш округ) тата ЛЮБОВЬ ВАСИЛЬЕВНА ШУРЯШКИНĂНА (16-мĕш округ).
Источник: "Каçал Ен"