01 сентября 2010 г.
Сентябрĕн 1-мĕшĕнчен çамрăксемпе студентсене творчествăра уйрăмах ăнтăлакансем валли ятарлă стипендисем пама документсем йышăнма пуçланă. Ăна 14 çултан пуçласа 30 çулсенчи çамрăксем илме пултараççĕ. Кандидатсене вырăнти самоуправлени органĕсем, кирек хăш харпăрлăхри организацисем, творчество союзĕсем, обществăлла пĕрлешÿсем тăратма пултараççĕ.
Кăçалхи сентябрĕн 24-мĕшĕччен район администрацийĕн вĕрентÿ пайне кирлĕ документсем тăратмалла.
Вĕсем:
— стипенди илме тăратнă кандидат пирки çырса хатĕрлени, ун çине ертÿçĕн алă пусмалла;
— ертÿçĕ алă пуснă (3х4 сăн ÿкерчĕкпе пĕрле) характеристика;
— анкета;
— пĕрлехи пухăвăн протоколĕ;
— паспорт ксерокопийĕ;
— вĕрентÿ, тĕпчевпе сăнав, наука енĕпе тунă çитĕнÿсем, производствăра тата ытти енĕпе палăрни çинчен ĕнентерекен документсен копийĕсем. Çавăн пекех Хисеп грамотисемпе Тав хучĕсене те палăртмалла. Пирĕн районтан çак чыса тивĕçлĕ яшсемпе хĕрсем пурах-çке.
Источник: "Каçал Ен"