Публикации » Саккуна пăхăнмалла

25 августа 2010 г.

Нумаях пулмасть район прокуратури Раççей Федераллă налук службин районсем хушшинчи 2-мĕш номерлĕ инспекцийĕн, районти шалти ĕçсен пайĕн специалисчĕсемпе, сотрудникĕсемпе пĕрле тĕрĕслевсем ирттернĕ. Уйрăм предприниматель А.В.Борода азартлă вăйăсем йĕркелени пирки район хаçатĕнче çырнăччĕ. Ун ĕçĕ саккунпа килĕшсе тăманни пирки административлă ĕç те уçнăччĕ, ăна суда янăччĕ. Çак кунсенче миравай судья ку тĕлĕшпе йышăну кăларнă. Саккунпа килĕшÿллĕн ăна 5 пин тенкĕ штраф тÿлеттернĕ. Малашне азартлă вăйăсем выляттарма чарнă. Татах та ун пек тĕслĕхсем пулсан А.В. Бородана 200 пин тенкĕ лĕх штраф парĕç е 2 çуллăха тĕрмене хупса лартĕç. Саккуна пăхăнмаллине вăл пĕлмест-ши?

Источник: "Каçал Ен"