25 августа 2010 г.
Вырăнти хăй тытăмлăх органĕсен суйлавĕн кунĕ çывхарсах пырать. Августăн 30-мĕшĕнче — заявлени йышăнмалли юлашки кун. Комсомольскинчи территориллĕ суйлав комиссине район депутачĕсен Пухăвĕн е ял поселенийĕсен депутачĕ, пуçлăхĕ пулма кăмăл пуррисем килсех тăраççĕ.
Çĕнĕ Сĕнтĕр ялĕнче пурăнакан Александр Михайлович СТЕПАНОВ хăйĕн кандидатурине Александровка ял поселенийĕн пуçлăхĕ пулма тăратнă. Вăл «Родина» хресчен-фермер хуçалăхĕнче энергетикра тăрăшать.
Тутар Элпуç ялĕнче пурăнакан Реже Борисович БИКБУЛАТОВ Элпуç ял поселенийĕн пуçлăхĕ пулма хăйĕн кандидатурине тăратнă. «Дружба» ЯХПК рабочийĕ, ятарлă вăтам пĕлÿ илнĕ.
Асанкасси ялĕнче пурăнакан Алексей Васильевич КОПТАШКИН Комсомольски район депутачĕсен Пухăвĕн депутачĕ пулма хăйĕн кандидатурине сĕннĕ. «Комсомольская МСО» АХО рабочийĕ, аслă пĕлÿ илнĕ.
Августăн 20-мĕшĕнче виççĕшне те регистрацилесе удостоверенисем панă.
Источник: "Каçал Ен"