21 августа 2010 г.
Темшĕн çынсен пуçĕнче пĕр-пĕр тавар туянсан е тÿлевлĕ пулăшу парсан çеç потребительсен прависене пăснă текен шухăш çирĕпленнĕ. Ун пек мар çав. Заправкăра бензин пулманни, обществăлла транспорт графика пăсни те йĕркене пăхăнманни шутланать.
Суту-илÿ предприятийĕсене (магазинсем тейĕпĕр) кĕрсен тем тĕрлĕ продукци те сутаççĕ. Анчах вĕсем хушшинче сутмалли вăхăт иртсе кайнисем те, продукци мĕн чухлĕ упранмалли, ăна ăçта туса кăларни пирки информаци те çук. Çавна туянса апат-çимĕçре усă курсан çынсен сывлăхне сиен кÿме пултарать-çке. Кашни сутуçăнах тавар туянакан апат-çимĕç пахалăхсăр пулнине е унпа усă курмалли вăхăчĕ иртнине курсан ăна урăххипе улăштарса памалла е укçа-тенке каялла тавăрмалла.
Туянакансем хăйсен прависене пĕлсе пĕтерейменнипе тÿрĕ мар чунлă бизнесменсем усă кураççĕ те. Пахалăхсăр, пăсăлнă тавар çисе сывлăха сиен кÿрсен те çынсем суда каймаççĕ. Кун пек чухне Роспотребнадзор управленийĕн Чăваш Республикинчи Патăрьел районĕнчи территори уйрăмĕнчен пулăшу ыйтма пултаратăр. Пирĕн телефон: 8(83532)6-26-18. Эпир Патăрьелĕнче, Ленин проспектĕнче, 13-мĕш çуртăн 2-мĕш хутĕнче вырнаçнă. Тавар туянакансем, хăвăрăн правасене пĕлсех тăрăр.
Источник: "Каçал Ен"