21 августа 2010 г.
Пĕлĕтлĕ çанталăк тăрать пулин те çумăрсем савăнтармаççĕ. Районти ял хуçалăх предприятийĕсем 4 пин ытла гектар кĕр тыррисем акма çĕр хатĕрленĕ, анчах чылайăшĕ акана тухма тăхтаса тăраççĕ-ха. «Дубравăра», «Кызыл сабанчара», «Востокра» тата темиçе хуçалăхра çеç ку ĕç пырать.
Районĕпе 8 пин гектар ытла çĕртме тунă. Ку енĕпе «Дружба», «Труд», «Восток», «Луч», «Урожай», «Родина» тата хăш-пĕр хуçалăхсем тăрăшуллă. «Слава», «Дружба» ял хуçалăх кооперативĕсенче, «Комсомольские овощи» ОООра çĕр улми кăлараççĕ. Пур çĕрте те шăрăх çанталăка пула тухăç япăх пулни пирки пăшăрханаççĕ.
Источник: "Каçал Ен"