Публикации » Канашлура сÿтсе явнă

21 августа 2010 г.

Чăваш Республикин ял хуçалăх министрĕ пирĕн района килсен таварсене муниципаллă нушасем валли туяннă чухне йĕркесĕрлĕхсем пурри пирки калаçу пулнăччĕ. Çакна шута илсе августăн 18-мĕшĕнче район пуçлăхĕ Геннадий Волков вĕрентÿ тата медицина учрежденийĕсеми валли апат-çимĕç туянасси пирки канашлу ирттернĕ. Унта асăннă учрежденисен ертÿçисем, район администрацийĕн экономика, пурлăх тата çĕр хутшăнăвĕсен, финанс пайĕн специалисчĕсем хутшăннă. Канашлура апат-çимĕç таварĕсен рынокри паянхи хакĕсеме, çĕнĕ вĕренÿ çулĕ валли продукци туянасси пирки сÿтсе явнă. Хальхи вăхăтра яваплă специалистсем, бюджет укçине перекетлĕ тăкаклас тĕллевпе, апат-çимĕçе курттăмăн йÿнĕрех сутакансене тупас тесе пасар хакĕсене тĕпчеççĕ.

Источник: "Каçал Ен"