Публикации » Çулăма хуçаланма паман

14 августа 2010 г.

Хĕвел пĕр чарăнми хăйĕн ăшшине çĕр çине сапалать. Хирти, улăхри курăксем типнĕ ĕнтĕ. Вăрманти йывăçсем те сип-симĕсех лармаççĕ. Пушар хăрушлăхĕ пысăккипе пуçлăхсем пурне те асăрхануллă пулма ыйтаççĕ. Анчах çулăм унта та кунта хуçаланни çинчен час-часах илтетпĕр. Акă августăн 12-мĕшĕнче каçхине тăхăр сехет иртсен «Восток» ЯХПК çĕрĕ çинчи çÿп-çап вырăнĕ çунма пуçланă. Унта вут-çулăм алхаснине тÿрех асăрханă. Çав вырăна Г.Т.Петров пушар машинипе çийĕнчех çитнĕ. Часах пулăшу та килнĕ: В.А.Белков тракторпа, Комсомольскинчи 31-мĕш пушар чаçĕн машини. Çапла пĕрле кĕрешсе вĕсем вут-çулăма сÿнтернĕ, ăна малалла сарăлма паман.

Источник: "Каçал Ен"