14 августа 2010 г.
Чăваш Енре ĕç рынокĕнчи йывăрлăхсене чакарассипе 2010 çулта программа йышăннă. Унпа килĕшÿллĕн тĕрлĕрен мероприятисем ирттерме палăртнă. Вĕсенчен пĕри — вĕренсе пĕтерекенсем валли стажировка йĕркелени. Программăна Комсомольски райповĕ, «Слава картофелю», «Хлебозавод» ОООсем хутшăнаççĕ. 2010 çулта вĕсем ĕçсĕррисене 13 ĕç вырăнĕ тупса панă. Вĕсенче хальлĕхе 10 çын вăй хурать.
Стажировкăн лайăх енĕсен шутне çаксене кĕртмелле:
çамрăк специалистсем хăйсен пултарулăхне, мĕнле ĕçлеме пултарнине кăтартни;
суйласа илнĕ специальноçпа опыт пухни.
Çавăн пекех карьерăна пуçласа яма та пулăшать. Стажировкăна 2009 —2010 çулсенче професси паракан вĕрентÿ заведенийĕсене пĕтернисем хутшăнаççĕ. Вĕсен ĕçпе тивĕçтерекен органта ĕç тупайман тесе регистрацире тăмалла.
Источник: "Каçал Ен"