07 августа 2010 г.
Александр Крылов, Хирти Мăнтăр каччи, çар ĕçне тÿрĕ кăмăлпа пурнăçласа кăçал июнь уйăхĕнче тăван яла таврăнчĕ. Çар ретне вăл иртнĕ çул Шупашкарти машиностроени техникумне вĕренсе пĕтерсен тăнă.
Çак кунсенче Александр Комсомольски тата Елчĕк районĕсен çар ĕç комиссариатне учета тăма килнĕ, çакăнта вăл хăйĕн пурнăçне çарпа çыхăнтарасси пирки пĕлтернĕ.
Пултаруллă салтак Рязань хулинчи сержантсен шкулне вĕренме каяс ĕмĕтпе пурăнать. Амăшĕ, Надежда Леонидовна Крылова, ялта почтальонкăра ĕçлекенскер, ывăлĕшĕн питĕ хĕпĕртет. Сăмах май, Алек- сандрăн пиччĕшĕ Алексей те Рязаньте прапорщикра службăра тăрать.
Çак хулари сержантсен шкулĕ 19 çул тултарнă, 24 çултан иртмен яшсемпе хĕрсене вĕренме йышăнать. Чи малтанах кандидатсем физкультурăпа экзамен тытаççĕ,каярахпа вара пĕтĕмĕшле вăтам шкул программипе вĕсен пĕлĕвне тĕрĕслеç- çĕ.
Сержантсен шкулĕнче 2 çул та 10 уйăх вĕренмелле. Кур- сантсен 7 çул та 10 уйăха контракт туса алă пусмалла пулать. Вĕреннĕ вăхăтра кашни уйăхра 8—15 пин стипенди илсе тăрĕç. Çулталăкне икĕ хутчен — çулла 30 кун, хĕлле 15 кун каникулта канма май пулĕ.
Кандидатсен йышăну комиссине çак документсене илсе пымалла: паспорт, çар билечĕ, аттестат копийĕ, ППЭ кăтартăвĕсем.
Источник: "Каçал Ен"