07 августа 2010 г.
Шăрăх çанталăк тăрать пулин те уй-хирте ĕç чарăнмасть. Ял хуçалăх предприятийĕсем 3 пин гектар ытла çĕртме тунă. Кĕр тыррисем акма çĕр хатĕрлеççĕ. Хальлĕхе хуçалăхсем выльăхсене кĕркунне çитерме ешĕл курăк пултăр тесе ыраш е рапс акаççĕ.
Пĕрчĕллĕ тата пăрçа йышши тырăсене пуçтарса кĕртнĕ. Вăтам тухăç кашни гектар пуçне 11 центнерпа танлашать.
«Слава» ял хуçалăх кооперативĕ кукурузăран силос хывма пуçланă.
Хуçалăхсенче хальлĕхе 3855 тонна утă, 16256 тонна сенаж пур.
Источник: "Каçал Ен"