04 августа 2010 г.
Августăн 1-мĕшĕнче районти çар ĕç комиссариачĕн актовăй залĕнче Сывлăш десант çарне туса хунăранпа 80 çул çитнине халалласа пысăк мероприяти пулчĕ. Ăна ирттерме Мускавран Сывлăш десант çарĕсен штабĕнчен Э.Г.Смирнов килсе çитрĕ.
Чи малтанах аякран килнĕ хăна çар службин историйĕ çинче чарăнса тăчĕ, унти паянхи лару-тăрупа паллаштарчĕ.
Ун хыççăн районти çынсене, сывлăш десант службинче тăнисене Эдуард Геннадьевич юбилей медалĕсем парса чысларĕ. Вĕсем — О.А.Токмаков, В.В.Носов, А.А.Самуков, О.О. Дьяконов, А.В.Силанов, В.А.Галкин. Çавăн пекех Сывлăш десант çарĕсен командующийĕн В.А.Шамановăн ячĕпе панă Хисеп грамотисене ЧР Çар ĕç комиссариачĕн Комсомольски тата Елчĕк районĕсен уйрăмĕн ĕçченĕ Ю.В.Венедиктов, Урмаел вăтам шкулĕн учителĕ Н.С.Сахров, А.А.Самуков, О.О.Дьяконов тивĕçрĕç.
Источник: "Каçал Ен"