31 июля 2010 г.
Çуллахи каникул шкул ачисемшĕн лайăх канса сывлăха çирĕплетмелли чи меллĕ вăхăт. Çакна шута илекен ашшĕ-амăшĕн тăрăшулăхне ырламалла çеç.
Кану кунĕсем тата тепĕр уйăх юлаççĕ. Лагере кайса курас текенсем кая юлман-ха. Кăмăл тăвакансене район администрацийĕн вĕрентÿ пайĕ Шупашкар районĕнчи Хыркасси ялĕнче вырнаçнă «Салют» ача-пăча лагерьне 4-мĕш сменăна (августăн 6—26-мĕшĕсем) кайма 62 путевкăпа тивĕçтерет. Хакĕ — 750 тенкĕ. Тĕплĕнрех ыйтса пĕлме, укçа тÿлеме сире вĕрентÿ пайĕн бухгалтерийĕнче пулăшĕç.
Ку таранччен 190 ача канса килнĕ. Пурте кăмăллă.