24 июля 2010 г.
Районта 42 хуçалăх тыр-пул ÿстерет. Иртнĕ çула пĕри çеç тăкаклă вĕçленĕ, ыттисем — тупăшлă. Кăçал вара — пачах урăхла.
Пĕлтĕр кĕрхи культурăсене 6 пин ытларах гектар акнă. Пурте лайăх шăтса тухнă, анчах хĕллехи сивĕ вĕсене пĕтĕмпех пĕтернĕ. Çуркунне çĕнĕрен сухаласа тулă, сĕлĕ, урпа акни те лару-тăрăва лайăх енне улăштарайман. «Дружба» ЯХПК председателĕ Ремис Мансуров тыр-пула иртерех акнине, агротехникăна, технологие тĕрĕс пăхăннине, минераллă удобренисемпе усă курнине палăртнă. Çавăнпах гектартан 50 центнер тулă пухса илме тĕллев лартнă. Шел, çанталăк условийĕсене пула 20 центнер илсен те лайăх пулĕччĕ теççĕ халĕ специалистем. Ытти хуçалăхсенче те комбайнсем хире тухнă.
Источник: "Каçал Ен"