07 июля 2010 г.
Иртнĕ кунсенче республикăри чи пултаруллă учительсен конкурсне пĕтĕмлетрĕç. Унта вĕрентÿ ĕçĕнче виçĕ çултан кая мар ĕçлекенсем хутшăнма пултарнă. Конкурсра пирĕн районтан хастар та пултаруллă 6 педагог Президент пĕр хутчен паракан 50 пин тенкĕ стипендие тивĕçнĕ. Вĕсем – пуçламăш классенче вĕрентекен Людмила Гурьена Галкина, Андрей Фирсович Мамуткин физкультура учителĕ, Вениамин Николаевич Петров физика учителĕ (Комсомольски 1-мĕш вăтам шкулĕ), Вагиз Халимович Камалетдиновпа Нежеметдин Садртдинович Сахров (Урмаел вăтам шкулĕ), Сергей Витальевич Антонов (Александровка тĕп шкулĕ).
Сăмах май, çак конкурсра çĕнтернĕ 200 педагог укçа-тенке кăçал Учитель кунĕнче алла илĕç.
Источник: "Каçал Ен"