16 июня 2010 г.
Нумаях пулмасть Журналистсен тĕп концерт залĕнче «2010 çулхи çемье мухтавĕн страници» Пĕтĕм тĕнчери интернет-конкурс çĕнтерÿçисене савăнăçлă лару-тăрура чысланă.
Конкурса хутшăнакансен тĕпрен илсен Аслă Çĕнтерÿ пулнăранпа 65 çул çитнине, совет халăхĕн паттăрлăхне кăтартакан материалсем тăратмалла пулнă. Тĕрлĕ жанрсемпе çырнă хайлавсене сумлă жюри хакланă.
Комсомольски 1-мĕш вăтам шкулĕнче 8-мĕш класра вĕренекен Дмитрий Игонин Дипломпа медаль çĕнсе илнĕ. Çавăн пекех çак шкулти П.В.Родионов информатика вĕрентекен аслă категориллĕ учитель «Чи лайăх наставник» Диплома тивĕçнĕ.
Пирĕн районти шкулсенче вĕрентекенсемпе вĕренекенсем Пĕтĕм тĕнчери конкурсра çĕнтерни чыс кÿрет.
Источник: "Каçал Ен"