Публикации » Мускавра Акатуя хутшăннă

09 июня 2010 г.

Чăваш çыннисем тĕрлĕ çĕрте пурăнаççĕ. Мускавра та йышлăн вĕсем. Июнĕн 5-мĕшĕнче тĕп хуламăрта, «Кремль в Измайлово» культурăпа кану комплексĕн территорийĕнче Пĕтĕм чăвашсен наци уявĕ IХ «Акатуй – 2010» иртнĕ. Унта Раççей Федерацийĕн тĕрлĕ кĕтесĕсенчен делегацисем килсе çитнĕ. Çакă туслăха пĕлтерет те. Кунсăр пуçне уйрăмах Раççей Федерацийĕн Президент администрацийĕн, Патшалăх Думин, Федераллă Пухăвăн тата пысăк пĕлтерĕшлĕ нумай-нумай органсен представителĕсем те пулнă. Чи пысăк делегацие паллах ЧР культура, национальноçсен ĕçĕсен, информаци политикин тата архив ĕçĕн министерстви, Чăваш наци Конгресĕ илсе килнĕ. Уяв хаваслă иртнĕ. Пирĕн районти Культурăпа кану центрĕ çумĕнчи А.Кокшина ертсе пыракан халăх вокал ансамблĕ те хутшăннă унта. Вĕсем хăйсен пултарулăхне кăтартнă.