09 июня 2010 г.
Район хаçатне çырăнтармалли хĕрÿ тапхăр пырать. Енчен те ăна эсир «Чăвашпичет» киоскĕсенче çырăнсан укçа-тенкĕ чылай перекетлеме пултаратăр. Уйрăмах республика хыпарĕсĕр пурăнайманнисемшĕн çакă паха. Июнĕн 25-мĕшĕччен çырăнса ĕлкĕрĕр. Çырăнтару пирки эпир «Чăвашпичет» ОАОн çырăнтару енĕпе ĕçлекен пайĕн начальникĕпе О.Н.Ивановăпа калаçрăмăр.
— «Чăвашпичет» киоскĕсенче çырăнтару хакĕсем чылай пĕчĕк. Эпир почтальонсене хаçат валеçнĕшĕн тÿлеместпĕр. Вулакан киоска килсе пĕр чăрмавсăрах хăй çырăннă хаçат-журнала илме пултарать. Çырăнтару каталогĕпе паллашса хăвăра килĕшекен издание суйласа илме пултаратăр. Хакĕсем енчен илсе пăхар-ха. «Советская Чувашия» хаçатăн çырăнтару хакĕ çыхăну уйрăмĕсенче 465 тенкĕ те 8 пус, «Чăваш пичет» киоскĕнче 270 тенкĕ анчах, «Хыпар» почтăра 456 тенкĕ, пирĕн патра 273 тенкĕ, «Каçал ен» çыхăну уйрăмĕнче 187 тенкĕ те 80 пус, киоскра 138 тенкĕ. Хаксен уйрăм уççине куртăр пулĕ.
Комсомольски районĕнчи 8 организаци «Чăвашпичет» киоскĕнчен хаçат-журнал илсе тăрать. Унтан çырăнсан йÿнĕрех ларнине район администрацийĕ, «Колосок», «Рябинушка», «Лейсан», «Колобок» ача сачĕсем, районти тĕп библиотека, Комсомольскинчи культурăпа кану центрĕ туйса илнĕ. Ытти районсенчи предприяти-организацисем те «Чăвашпичет» киоскĕпе ĕçлеççĕ. Унпа çыхăну тытакансем хушшинче библиотекăсем нумай. Перекетленнĕ укçапа тата урăх изданисем те çырăнма пултараççĕ.
Июнĕн 24-мĕшĕччен вăхăт пур-ха. Киосксене васкăр.