05 июня 2010 г.
Июнĕн 1-мĕшĕнче район пуçлăхĕн Геннадий Волковăн парнишĕн ирттернĕ ÿкерчĕксен «Мир глазами детей: это Родина моя» конкурсне пĕтĕмлетнĕ. Вăл кăçал тăваттăмĕш хут иртрĕ. Конкурса районти искусство шкулĕнче тата вĕрентÿ пайĕнче ĕçлекенсем йĕркеленĕ.
Унăн тĕп тĕллевĕ — çемьере ырă тĕслĕхпе воспитани парасси, талантлă ачасене тупса палăртасси тата ытти те.
Конкурса 7—10, 11—13, 14—17 çулхи ачасем хушшинче ирттернĕ. Кĕçĕннисенчен Мария Филиппова пĕрремĕш, Аделия Сулейманова иккĕмĕш, Ангелина Абдюшева виççĕмĕш вырăнсене йышăннă. Вăтам ушкăнра Анастасия Макарова, Татьяна Шакмакова, Динара Зимакова хăйсен ĕçĕсемпе палăрчĕç. Сăмах май, Настя пĕлтĕрхи çак конкурсра та хăйĕн ăсталăхĕпе палăрнăччĕ.
Аслăраххисенчен Екатерина Антонова, Елена Салаева, Галина Павлова палăрчĕç. Гран-при илме Анастасия Андреева тивĕç пулнă.