05 июня 2010 г.
Кашни çулах Раççейре «Вилĕмпе ăçта суту-илÿ тунине пĕлтер» акци иртет. Кăçал вăл июнĕн 1-мĕшĕнче пуçланчĕ. Ăна июнĕн 26-мĕшĕнче пулакан наркоманипе кĕрешмелли Пĕтĕм тĕнчери куна халалланă. Тĕллевĕ — халăха наркомани тата наркопреступноç проблемине тимлĕх уйăрмалли çинчен ăнлантарасси, наркотиксен тыткăнне çакланнисене пулăшасси.
Наркоконтроль управлени-йĕнче тата районсем хушшинчи пайĕсенче талăкĕпех «шанăç телефонĕсем» ĕçлеççĕ.
Тĕп аппарат (Шупашкар хули, Мускав проспекчĕ, 3-мĕш çурт), дежурнăй чаçĕн телефонĕ 8(8352)23-01-06, «шанăç телефонĕ» 8(8352)23-01-00; Канашри районсем хушшинчи пай (Канаш хули, Чернышевски урамĕ, 28 «а» çурт), (83533)2-25-45.
Чăваш Енри наркоконтроль пайĕсенчен килнĕ информацие хăвăрт тĕрĕслеме пултаракан ушкăнсем туса хунă. Пĕр телефон шăнкăравĕ те тимлĕхсĕр юлмĕ.
Акци вăхăтĕнче управлени сайчĕ çинче хăшăрсене, ыйтăвăрсене лартма пултаратăр. Чăваш Республикинчи ĕç тăвакан влаç ячĕпе те саккуна пăсса наркотиксем сутнине тата унпа усă курнине хирĕç тăрассипе çыхăннă сĕнĕвĕрсене пĕлтерĕр.
Акци пĕр уйăх пырать. Çав кунсенче кашниех «шанăç телефонĕ» çине анонимлă шăнкăравласа наркотиксемпе суту-илÿ тăвакансем, наркопритонсем тата наркотиксемпе çыхăннă ытти хыпарсене пĕлтерме пултаратăр.
«Вилĕмпе ăçта сутă тунине пĕлтер» баннер акци вĕçленнĕ хыççăн та пулать.