02 июня 2010 г.
Майăн 27-мĕшĕнче районти библиотека ĕçченĕсем хăйсен уявне анлă паллă турĕç. Çак ятпа библиотекарьсене районти культура секторĕн заведующийĕ В.С.Васильев, тĕп библиотекăн заведующийĕ М.В.Мокеева, библиотека ĕçĕн ветеранĕсем тата ыттисем те тухса саламларĕç.
Районта мартăн 1-мĕшĕнчен пуçласа майăн 15-мĕшĕччен «Читает вся деревня, читает все село» конкурс иртрĕ. Унта пурĕ пĕрле 13 библиотека хутшăнчĕ. «Самое лучшее массовое мероприятие» номинацире Е.П. Волкова библиотека заведующийĕ (Нĕркеç) пĕрремĕш пулчĕ. «Электронный информационный ресурс» номинацире 1-мĕш вырăна Е.Ф.Павлова (Элпуç) тата О.П.Андреева (Çĕнĕ Мăрат), 2-мĕш вырăна – В.П.Толокнова (Тукай), 3-мĕш вырăна М.М.Чумарова (Урмаел) библиотека заведующийĕсем тухрĕç.
Юлашкинчен уява пуçтарăннисем «Читающее общество— духовная Россия» кĕнеке выставкипе паллашрĕç.