22 мая 2010 г.
Районти вĕрентекенсем хăйсем хушшинче тĕрлĕрен мероприятисем йĕркелеççĕ. Нумаях пулмасть Аслă Чурачăк вăтам шкулĕнче «Уроки информатики — 2010» ятпа 1-мĕш методика фестивалĕ иртнĕ. Ăна ачасене информатика предметне юратма хавхалантарас, асăннă предметпа пĕлÿ паракансене пĕр-пĕрин опычĕпе паллашма май парас тĕлĕшпе йĕркеленĕ. Унта 16 педагог хутшăннă. Вĕсем уроксем панă, методика ĕçĕсен выставкинче хăйсен ăсталăхне кăтартнă.
Комсомольски 1-мĕш тата 2-мĕш, Нĕркеç, Çĕнĕ Мăрат вăтам шкулĕсенчи П.В.Родионов, Л.Н.Глинкина, И.П. Кириллова, В.Н.Павлов, Тăманлă Выçли тĕп шкулĕнчи А.Н.Николаев ăсталăхшăн лауреатсен ятне çĕнсе илнĕ. Вĕсем Дипломсемпе хаклă парнесене тивĕçнĕ. Педагогсем фестиваль ирттерме пулăшнăшăн Р.Г.Калаков предпринимателе тав тăваççĕ. Малашне те вĕрентекенсем çакăн пек мероприяти ирттерес кăмăллă.