22 мая 2010 г.
Районти ял хуçалăх предприятийĕсенче çурхи ака-суха ĕçĕсем вĕçленнĕ тесен те юрать. 13 пине яхăн гектар лаптăк çине пĕрчĕллĕ тата пăрçа йышши тырăсем акса хăварнă. Хальлĕхе 2900 гектар çине çĕр улми лартнă. Ку ĕçе пурнăçламалли те нумаях юлман.
Çав-çавах уй-хирте машина-трактор сасси лăпланмасть-ха. Калчасем шăтса тухнă, вĕсене пăхсах тăмалла. Апатлантармалла, сÿрелемелле... «Луч», Урожай», «Победа», «Рассвет» ял хуçалăх кооперативĕсенче «иккĕмĕш çăкăр» йăранĕсене хăпартаççĕ. Тыр-пул уйĕсенче «Восток», «Пайгас» кооперативсем çум курăксене хирĕç кĕрешеççĕ, ытти хуçалăхсенче те ку е вăл ĕç пырать.
Пысăк тухăç илес тесен акни-лартнипе çеç мар, агротехника ĕçĕсене те вăхăтра пурнăçламалла.