15 мая 2010 г.
Районти ача-пăча тĕп библиотекинче «Выбор профессии – шаг в будущее!» темăпа профориентаци урокĕ иртрĕ. Мĕнле професси, хăш вĕрентÿ заведенине суйласа илмелле? Шкул вĕренсе пĕтерекенсен çакăн çинчен паянах шутламалла. Комсомольски 1-мĕш вăтам шкулĕнче 9-мĕш «б» класра вĕренекенсемпе тĕл пулма ĕçпе тивĕçтерекен центрăн ертсе пыракан специалистне Н.Н.Дрябловăна, социаллă пулăшу паракан центр директорне Т.Г.Смирновăна, районти тĕп библиотека директорне М.В.Мокеевăна чĕнтĕмĕр.
Н.Дряблова вĕренекенсене ĕç рынокĕнчи лару-тăру, ялта мĕнле профессисем кирли, çуллахи вăхăтра ачасене ĕçпе тивĕçтерес пирки каласа пачĕ. Паянхи кун яллă вырăнсенче тухтăрсем, программистсем çитмеççĕ. Çавăн пекех ял хуçалăх специалисчĕсем те кирлĕ.
Т.Смирнова Мускаври социаллă университет çинчен тĕплĕн чарăнса тăчĕ. Шăпах унта социаллă ĕçченсене хатĕрлеççĕ.
М.Мокеева сăмахĕ библиотекарь профессине хăш вĕрентÿ заведенийĕнче илме пулни çинчен пулчĕ.
Урок дискусси евĕр иртрĕ, ачасем нумай ыйту пачĕç. Ача-пăча библиотекин ĕçченĕсем тĕрлĕ профессипе, вĕренÿ заведенийĕсемпе паллаштаракан буклетсенчен, справочниксенчен выставка йĕркеленĕ.