12 мая 2010 г.
Хаяр вăрçă хирĕсенче çапăçнисем, пуç хунисем пурте хисепе тивĕçлĕ. Ветерансенчен нумайăшĕ пурнăçран та уйрăлса кайрĕç ĕнтĕ. Вунсаккăрта, çирĕмре пулнă каччăсемпе хĕрсем паян пурте 90 çулсене çывхараççĕ.
Çĕнĕ Каçал ялĕнче пурăнакан А.Д.Митюков 1926 çулта çуралнă. Вăл вăрçа 1943 çулта тухса кайнă. Çапăçусенче стрелок, телефонист пулнă. Тăван ене Андрей Дмитриевич вăрçă пĕтсен 5 çултан çеç таврăннă.
Паянхи кун унăн кăкрине наградăсем илемлетеççĕ.
Иртнĕ кунсенче ун патĕнче Комсомольски 2-мĕш вăтам шкулĕн вĕренекенĕсем пулчĕç. Шкул ачисем ветеран хуçалăхĕнче вутта йăтса купаларĕç. Каярахпа вĕсем Елена Игнатьевна Добросмыслова тыл ветеранне те ĕçлесе пулăшрĕç.
Источник: "Каçал Ен"