Публикации » Çар вăййисем пулĕç

12 мая 2010 г.

Çак кунсенче район пуçлăхĕ Г.Ф.Волков çамрăксен патриотизм туйăмне аталантарас, вăй-халне çирĕплетес енĕпе икĕ Хушу кăларнă. Пĕри вăл – майăн 18—20-мĕшĕсенче Комсомольскинчи вăрман уçланкинче çамрăк армеецсен «Зарница» тата «Орленок» çарпа спорт вăййисем ирттересси пирки. Тепри – районти вăтам шкулсенчи 10-мĕш класри яшсен çар вĕренĕвĕн сборне йĕркелесси çинчен. Вăл майăн 20—22-мĕшĕсенче пулмалла. Унта пулас салтаксем çар ĕçне мĕнле пĕлнипе паллаштарĕç. Пăшалпа пересси, стройпа утасси, тактика занятийĕсем пулаççĕ.

Асăннă мероприятисене ирттерме йĕркелÿ комитечĕсем туса хунă. Вĕсен йышне яваплă çынсене кĕртнĕ.

Источник: "Каçал Ен"