12 мая 2010 г.
Районти ял хуçалăх предприятийĕсенче уй-хир ĕçĕсем вĕçленсе пыраççĕ. 8356 гектар пĕрчĕллĕ тата пăрçа йышши тырăсем акнă. Хуçалăхсем кăçал планпа пăхнă тăрăх пурĕ 2540 гектар çине çĕр улми лартма палăртнă. Майăн 11-мĕшĕ тĕлне çак ĕçе 1700 гектар е пĕтĕм лаптăкăн 67 проценчĕ чухлĕ пурнăçланă. «Урожай» колхоз 130 гектар, «Рассвет» ЯХПК 110 гектар лартнă. Çавăн пекех ку ĕçе «Слава» ЯХПКра, Самаринăн, Минатуллинăн фермер хуçалăхĕсенче те вĕçленĕ. Пахча çимĕçпе кăçал «Комсомольские овощи», «Госсорткомиссия», «Восход», «Родина», «Турхан» хуçалăхсем ĕçлесшĕн.
Ял хуçалăх предприятийĕсенче ытти ĕçсем те пыраççĕ.
Источник: "Каçал Ен"