30 апреля 2010 г.
Инкекрен çăлма васкакансен ячĕ чăннипех те мухтавлă. Апрелĕн 30-мĕшĕнче пушар хуралĕн службине туса хунăранпа 361 çул çитнине паллă тăваççĕ. Шăпах çак кун 1649 çулта Раççейре «Наказ о городском благочении» текен Указ кăларнă. Ра-йонта вара пушар хуралне 1962 çулта йĕркеленĕ. Унтанпа çак ĕçре чылай çын ĕçленĕ, нумайăшĕ халĕ тивĕçлĕ канура.
Паянхи куна пушар хуралĕн-че 20 ĕçчен вăй хурать. Кунсеренех вăтамран 3—4 çын дежурствăра хăйсен тивĕçĕсене пурнăçлать. Вут-çулăм тухсан тÿрех çула тухаççĕ. Инкекрен çăласси, пурлăха сыхласа хăварасси — вĕсен тивĕçĕ.
«Коллективра Ю.Иванов, Н.Лупов, А.Тихонов, А.Шемекеев, А.Жуков чылайранпа ĕçлеççĕ. Вĕсем çамрăксене те вĕрентсе пыраççĕ. Л.Романова инструктор та шаннă ĕçе вăхăтра пурнăçлать. Тăтăшах конкурссем, викторинăсем ирттерет, шкулсене, ача сачĕсене тухса çÿрет, профилактика мероприятийĕсем йĕркелет. Пушар хуралĕн ĕçченĕсен кунĕнче пурне те — ĕçченсене, уйрăмах ветерансене, уяв ячĕпе саламласа ăнăçу, çитĕнÿ сунатăп»,— тет С.Алексеев начальник.
Районти кирек хăш ялта пушар тухрĕ пулсан та кунти ĕçченсем пулăшма васкаççĕ. Анчах та инçетре вырнаçнă ялсене часах çитме май çук. Çакăн пек лару-тăрура ялсенче вырăнти пушар хуралĕ пулни чăннипех те лайăх. Тĕслĕхрен, «Слава», «Восток», «Рассвет», «Дружба», «Труд», «Асаново» ял хуçалăх предприятийĕсенче пушар машинисем пур. Вĕсем вут-çулăм сÿнтерме яланах хатĕр лараççĕ. Автомашинăсем юсавлă, водительсемпе ĕçченсем яланах сыхă тăраççĕ.
Пушар хуралĕн сотрудникĕсем кулленхи ĕçе вăхăтра та пахалăхлă пурнăçлаççĕ. Çавăнпа пĕрлех спорт, художество пултарулăх мероприятийĕсенче те хастар. Пушар спорчĕн ăмăртăвĕсенче