28 апреля 2010 г.
Нумаях пулмасть район администрацийĕн пысăк залĕнче агропромышленноçра ĕçлекенсен районти организацийĕсен VI конференцийĕ иртрĕ. Отчетлă докладпа районти АПК профкомĕн председателĕнче 30 çул ытла тăрăшнă Ю.С.Тимофеев отчетлă докладпа тухса калаçнă. Унта вăй хунă вăхăтра пурнăçланă ĕçсем çинчен туллин каласа панă.
Конференцире АПК райкомĕн çĕнĕ председательне Валерий Николаевич Гаврилова суйланă. Вăл тĕрлĕ вăхăтра районта яваплă ĕçсенче тăрăшнă.
Конференци ĕçне республикăри АПК ĕçченĕсен профсоюз рескомĕн председателĕ А.В. Смирнов, район пуçлăхĕ Г.Ф.Волков хутшăннă.
Çак кунах профсоюз райкомĕн пленумĕ иртнĕ. Унта ĕç тăвакан йыша çирĕплетнĕ. Атласкинăн фермер хуçалăхĕнчи Л.М.Тихоновăна, Минатуллин фермер хуçалăхĕнчи В.Г.Митюковăна наградăсем панă. Районти выльăх-чĕрлĕх чирĕсене хирĕç кĕрешекен патшалăх учрежденине чи лайăх пуçламăш организаци пулнине палăртса дипломпа наградăланă.