17 апреля 2010 г.
Нумаях пулмасть шкулта математика, информатика тата физика вунăкунлăхĕ иртрĕ. Çак вăхăтра нумай-нумай мероприяти пулчĕ. Физика предмечĕн викторинине ачасем хастар хутшăнчĕç. Физика учителĕ В.Н.Петров ертсе пынипе 9-мĕш «а» класра пĕлÿ пухакансем А.Смирновпа А.Минибаев презентаци ирттерчĕç.
Вунăкунлăх вăхăтĕнче вăтам классенче «Знатоки», «Две звезды», «Со скоростью клавиш», «Физика на острове» конкурссем тата КВН пулчĕ.
«Кенгуру» конкурсра та маттур пулчĕç ачасем. Унта пурĕ 69 вĕренекен хутшăнчĕ. Çак вăхăтра 5-мĕш «б» класра «Математик — бизнесмен», 6-мĕш «а» класра «Математическое ралли» вăйăсем иртрĕç. 6-мĕш «в» класра «Истории открытий» конференци пулчĕ. Архимед, Пифагор ĕçĕ-хĕлĕсене, пурнăçĕсене ачасем лайăх пĕлеççĕ.
Вĕренекенсем тĕрлĕ предметпа илемлĕ стена хаçачĕсем те кăларчĕç. Аслă классенче пĕлÿ пухакансем конференцисене хастар хутшăнчĕç. Унта физика предмечĕпе А.Минибаев пĕрремĕш, информатикăпа Е.Свинина, математикăпа Е.Сизов — иккĕмĕшсем пулчĕç. К.Долгова, Д.Игонин, А.Смирнов, М.Петрова, И.Жукова, Т.Козлова вĕренекенсем тарăн пĕлÿпе палăрчĕç.
Источник: "Каçал Ен"