14 апреля 2010 г.
Шкулта тăтăшах тĕрлĕ мероприятисем иртеççĕ. Конкурссене, викторинăсене ачасем хастар хутшăнаççĕ. Тематика каçĕсем, тĕрлĕ тĕл пулусем йĕркелесси те йăлана кĕнĕ. Акă, нумаях пулмасть «Милици тата ачасем» уйăхлăх вăхăтĕнче 9-мĕш «а» , 10-мĕш «б», 11-мĕш класс вĕренекенĕсем районти шалти ĕçсен пайĕнче пулчĕç. Обществăлла милицин хăрушсăрлăхĕн пай начальникĕ А.Н.Ларионов экскурси ирттерчĕ. Н.В.Индюкова çамрăксем хушшинче преступлени тăвасси еплерех шайра пулнипе паллаштарчĕ. ГИБДД сотрудникĕ С.Г.Абржин çул-йĕр хăрушсăрлăхĕн правилисем çинче чарăнса тăчĕ.
Ачасем хăйсене хумхантаракан чылай ыйтăва хускатрĕç. Сотрудниксем тулли хуравсем пачĕç.
Вĕренекенсем экскурсипе кăмăллă юлчĕç. Шалти ĕçсен пайĕн ĕçченĕсене шкулпа тачă çыхăну тытнăшăн, экскурси йĕркеленĕшĕн тав тăватпăр.
Источник: "Каçал Ен"