14 апреля 2010 г.
Районта Мăнкун уявĕ ячĕпе ачасемпе çамрăксем хушшинче творчество конкурсĕ ирттернĕ. Ăна ачасен ăсталăхне ÿстерес, наци традицийĕсене асра тытас, тавракурăма аталантарас тĕллевпе йĕркеленĕ.
Апрелĕн 7-мĕшĕнче жюри членĕсем конкурса тăратнă ĕçсене пăхса тухса тĕрлĕ номинацисенче çĕнтерÿçĕсене палăртнă. «Изобразительное искусство» номинацире А.Ипатова (Аслă Чурачăк), Е.Антонова (искусство шкулĕ) пĕрремĕш вырăна тивĕçнĕ. А.Абдюшева (Комсомольски 1-мĕш вăтам шкулĕ), Е.Ахметова (искусство шкулĕ), С.Семенова (Комсомольски 2-мĕш вăтам шкулĕ) — иккĕмĕш-сем, А.Капралов (Комсомольски 1-мĕш вăтам шкулĕ), А.Яковлева, Е.Салаева (Асанкасси вăтам шкулĕ), Н.Волкова (Çĕнĕ Мăрат вăтам шкулĕ) — виççĕмĕш вырăнсенче.
«Декоративно-прикладное творчество» номинацире С.Ласточкина (Анат Тимĕрчкасси тĕп шкулĕ), К.Кузнецова, В.Кириллова (Нĕркеç вăтам шкулĕ), Н.Николаева, А.Капралов, Л.Галкина, Н.Галкина, С.Макарова (Комсомольски 1-мĕш вăтам шкулĕ), А.Васильева, Е.Сулагаева (Хирти Мăнтăр вăтам шкулĕ), Т.Филиппова, К.Калашникова (Асанкасси вăтам шкулĕ), А.Волкова (Çĕнĕ Мăрат), А.Тимофеева, А.Шамбулина, Т.Сорокина (Хырай Ĕнел вăтам шкулĕ) ĕçĕсем чи лайăххисем тесе палăртнă.
Источник: "Каçал Ен"