14 апреля 2010 г.
1918 çулта Аслă Каçал вулăсĕнче хресчен депутачĕсен пĕрремĕш съезчĕ пулса иртет. Унта вулăс ĕçтăвкомĕн председательне В.А.Попова суйлаççĕ. Çавăн пекех миравай судьяна, трибунал членĕсене çирĕплетеççĕ.
Вăл çулсенчех пăва уездĕнче хресченсемпе салтаксен депутачĕсен пĕрремĕш съезчĕ уçăлнă, 12 кун ĕçленĕ. Совет влаçĕ туса хурасси пирки чылай калаçнă. Апрель уйăхĕнче йышăну кăларнă. Унпа килĕшÿллĕн Çĕнĕ Мăрат вулăсне Чăваш тата Тутар Элпуç, Хирти Явăш, Хирти Выçли, Хирти Мăрат ялĕсем кĕнĕ.
Чăваш Элпуç ял Советне ертсе пыма Василий Абрамова, секретарьне Тарас Демина (вăл вунçиччĕре çеç пулнă-ха) шаннă. 1920 çулсенче Н.Егоров, С.Алексеев, Т.Захаров, Н.Абрамов, И.Петров, Т.Долгов председательсем пулнă.
Тутар Элпуç ял Совет председателĕнче 1920—1927 çулсенче Н.Низамутдинов, Я.Халитов, Ш.Гафуров, Гафетуллов (ячĕ паллă мар) ĕçленĕ. 1927 çулта Хирти Явăш ял Совечĕпе пĕрлешнĕ, 1929 çулта Шăнкăртама кĕнĕ.
Хирти Явăш ял Советне З.Тарасов, Г.Константинов, А.Ефимов, Д.Корнилов, Н.Леонтьев, С.Орлов ертсе пыни паллă.
Хирти Выçли ял Совет председателĕ пулса пуçласа С.Леонтьев тăрăшма пуçланă. Каярахпа ку ĕçре М.Скворцов, Е.Петров, Н.Казаков, П.Ильин, К.Кутузов, А.Тимофеев, И.Громов тăрăшнă.
Хирти Мăратра Миронов, Мясников (ячĕсем паллă мар), А.Григорьев, И.Кондратьев, П.Яковлев, Г.Осипов, Е.Петров ĕçленĕ.
Çак кунсенче Элпуç ял поселенине (малтан ял Совечĕ, каярахпа ял администрацийĕ пулнă) пуçарнăранпа 92 çул çитет. Унта ĕçлекенсем кирек хăш вăхăтра та пысăк пĕлтерĕшлĕ ĕç тунă.
Источник: "Каçал Ен"