10 апреля 2010 г.
Район пуçлăхĕ Г.Ф.Волков «2010 çулта çамрăксемпе ачасен канăвне, сывлăхне çирĕплетессине, ĕçпе тивĕçтерессине йĕркелесси çинчен» йышăну кăларнă. Шкул ачисен канăвне йĕркелес, сывлăхĕсене çирĕплетес, ĕçпе тивĕçтерес тĕлĕшпе районти вĕрентÿ тата социаллă пулăшу пайĕсене уполномоченнăйсем пулма çирĕплетнĕ.
Хула хĕрринчи лагерьсене ачисене канма ярас тесен кăçалхи апрелĕн 1-мĕшĕнчен пуçласа майăн 30-мĕшĕччен ашшĕ-амăшĕн заявлени çырса памалла.
Вĕрентÿ учрежденийĕсенче те сывлăха çирĕплетекен лагерьсем ĕçлемелле. Çуллахи каникул кунĕсенче вĕсенче кану 21 куна тăсăлĕ. 14—18 çулхи çамрăксене ĕçпе тивĕçтерессине вĕрентÿ учрежденийĕсемпе ытти организацисем йĕркелемелле. Халăха ĕçпе тивĕçтерекен центрăн та ку енĕпе пулăшу памалла.
Источник: "Каçал Ен"