07 апреля 2010 г.
Юлашки вăхăтра çынран çын хăракан пулса çитнине, этем чунсăрланса пынине куратпăр.
Акă, çакăн пек тискер ĕç март уйăхĕнче пулса иртнĕ. Асанкасси ял поселенийĕн депутатсен Пухăвĕн депутачĕ Васильев (хушаматне улăштарнă) мăшăрĕпе ним çук çĕртенех хирĕçме пуçланă. Лăпланайман арçын хĕрарăма патакпа ăçтан килнĕ унтан ирсĕррĕн хĕнесе пĕтернĕ. Вĕлерессипе те хăратнă депутат.
Иртнĕ кунсенче çакăн пек тискер ĕçшĕн «халăх тарçи» çине уголовлă ĕç пуçарнă.
Источник: "Каçал Ен"